Kashf Wa Karaamat Khulfa E Rasheedin Se Bhi Saabit Hai..….Kashf Aur Sayyidina Siddiq E Akbar
:…Imam Ghazali, Hazrat Sayyidina Siddiq E Akbar. Ka Ek Kashf Naql Karte Huwe Tehreer Karte Hai :…Hazrat Abu Bakr Siddiq Ne ApniWafaat Ke Waqt Apni Sahebzaadi Sayyida Hazrat Ayesha Se Farmaaya Ke Mere Waaris Tumaare Alaawa Tumaare 2 Bhai Aur 2 Behne Hai (Halaanke Us Waqt Hazrat Ayesha . Ki Sirf Ek Bahen Hazrat Asma . Thi) Magar Hazrat Abu Bakr. Ki biwi Hamal Se Thi Baad Me Unse Ladki Paida Huwi.…
Isse Maloom Huwa Ke Sayyidina Siddiq E Akbar Ko Ba-Taur E Kashf Wa Karaamat Ke Zariye Pehle Hi Maloom Hogaya Tha Ke Bach-Chi Paida Hogi.…(Ahya Ul Uloom Lil Ghazali : Jild 3 : Safa 23):Sanad E Hind Imam Shah Wali Ullah Rh. Farmaate Hai Ke…Hazrat Siddiq E Akbar Ne Hazrat Ayesha Siddiqa Se Farmaaye : Jo Jaaidaad Maine Aapko Di Hai Agar Aap Ne Haasil Karliya Toh Theek Hai Warna Aap Ke Saat Aap Ke 2 Bhai Aur Behne Shareek Honge Yaani Sabko Miraas Me Milegi.…
Toh Hazrat Ayesha Siddiqa Ne Farmaaya Ke Meri Bahen Toh Yahi Asma Hai Dusri Bahen Kaun Si Hai ? Toh Hazrat Siddiq E Akbar Rdh. Ne Farmaaya Ke Mai Samjhta Hu Ke Bint E Khaarja (Siddiq E Akbar Ki Aahliya) Ko Ladki Ka Hamal Hai Aur Uske Pait Me Ladki Hai.…Shah Wali Ullah Farmaate Hai KeSiddiq E Akbar Ki Wafaat Ke Baad Hazrat Ayesha Ki Bahen Umme Kulsum Paida Huwi.…
Hazrat Shah Wali Ullah Rh. Ne Is Waqiye Se Kashf Par Istedlaal Kiya Hai , Chunaanche Unwaan Bandhkar Likhte Hai :…Yeh Waqiya Hazrat Siddiq E Akbar Ka Kashf Hai Ke Allah Tala Ne Chupi Huwi Baato Ko Unpar Zaahir Kardiya.…(Ezaalatul Khafaa : Jild 3 : Safa 77)…Aur Hazrat Abu Bakr Siddiq Ka Yeh Waqiya , Imam E Darul Hijrah Imam Malik Ne Bhi Apni Muwatta Me Naql Kiya Hai. (MuwattaImam Malik : Jild 2 : Safa 1089 , Safa2783)ha
No comments:
Post a Comment